Markmið sviðsmynda (e.Scenarios) er að efla skilning á hugsanlegri framtíðarþróun og helstu óvissuþáttum sem geta breytt atburðarásinni. Þannig eykst aðlögunarhæfni stjórnenda á tímum sífellt örari breytinga.

Sviðsmyndaaðferðin byggist á því að skoða mikilvægustu óvissuþættina í umhverfinu og hvað geti gerst ef nokkrir þeirra þróast samtímis í mismunandi áttir.

Aðferðin hentar vel til að stilla saman skoðunum ólíkra hópa og leggja grunn að sameiginlegri stefnumótun. Aðferðin notast m.a. við stóra vinnufundi eða ”verkstæði” þar sem þátttakendur geta skipt fleiri tugum. Með því að skoða umhverfi dagsins í dag gegnum gleraugu framtíðarinnar aukum við huglægt svigrúm okkar til að koma auga á nýja möguleika og aðferðin gefur okkur heildstæðari sýn á stefnumótunina, en aðrar (hefðbundnar) aðferðir.

Aðferðin hefur verið notuð við alls konar verkefni t.d. á sviðum:

• • Framtíðarskipulagning stjórnsýslu
• • Gerð byggða- og landshlutaáætlana
• • Mótun vísinda- og rannsóknastefnu
• • Klasasamstarf
• • Skipulagsmál
• • Fasteignaþróun
• • Vöruþróun
• • Stefnumótun fyrirtækja
• • Vekja samfélagsumræðu

Dæmi um innlend sviðsmyndaverkefni sem Netspor hefur komið að eru:

• • Sveitalíf 2025 – Sviðsmyndir um þróun dreifbýlis á Íslandi, unnið fyrir Landbúnaðarráðuneytið.
• • Nýsköpun á Íslandi 2021 - Sviðsmyndir og stefnumótun fyrir Nýsköpunarmiðstöð Íslands
• • Flugvallarsvæðið á Reykjanesi og nágrenni þess árið 2020 – Sviðsmyndir unnar fyrir Kadeco – Þróunarfélag Keflavíkurflugvallar
• • Lífsgæði og landgæði á Íslandi árið 2021 - Sviðsmyndir og stefnumótun fyrir Umhverfisstofnun

Nánari upplýsingar um sviðsmyndir má finna í bókinni „Framtíðin – frá óvissu til árangurs“ sem fjallar um notkun sviðsmynda sem grundvöll að stefnumótun. Höfundar eru Eiríkur Ingólfsson og Sævar Kristinsson frá Netspor og Karl Friðriksson frá Nýsköpunarmiðstöð. Bókin eru 148 bls. og má sjá nánari upplýsingar um hana með að smella hér.

Dæmi um verkefni

Horft til framtíðar

Sviðsmyndir fyrir Þróunarfélag Keflavíkurflugvallar